Në Shqipëri takon jo pak të rinj që po mësojnë gjermanishten. Ata e projektojnë ta ardhmen në Gjermani, vend që ofron shumë mundësi për disa profesione të caktuara.
Por ndonjëherë puna që të rinjtë shqiptarë bëjnë në Gjermani është krejtësisht e ndryshme me atë që kanë projektuar para se të shkojnë atje.
Mediat gjermane kanë shkruar për historinë e 2 vajzave shqiptare që jetojnë në Gjermani, si dhe Sarinës, që është vendase.
Iris dhe Amela, janë punësuar tashmë në një azil të moshurish në Gjermani, pas 4 muajve trajnim në Kryqin e Kuq të Bavarisë.
Nuk e kishin menduar, por puna që i priti sapo shkuan atje ishte të kujdeseshin për të moshuarit.
Pavarësisht gjykimit fillestar, vajzat janë përshtatur mirë dhe janë të kënaqura me punën që bëjnë.
“Oferta e punës, erdhi si një surprizë, me pak fjalë u bëmë për ujë të ftohtë. Ideja që do të punojë me të moshuar ishte një paragjykim i gabuar. Tani është e qartë për mua. E dua punën dhe jam shumë krenar për atë që bëj”, -thonë ato.
Mediat gjermane shkruajnë se shqiptaret flasin një gjermanishte të rrjedhshme, pas kurseve intensive në Shqipëri.
