Si shumë njerëz të cilët vizitojnë Parisin edhe ata të dy po bënin një fotografi para Notre Dame. Flasim për babë e bijë që u fotografuan para katedrales vetëm pak minuta para se ajo të digjej. Një turiste i fotografoi ata para djegies së katedrales dhe më pas njerëz në mbarë botën ishin të shqetësuar për fatin e tyre.
Por ata tashmë janë “bërë të gjallë”. Protagonisti i fotografisë ka kontaktuar Brooke Windsor, turisten 23-vjeçare që realizoi fotografinë.
Në një postim në Twitter, fotografja shkruan: “Kërkimi përfundoi. Fotografia ka arritur tek babai dhe familja. Ai ka zgjedhur që të mbetet anonim për shkak të tragjedisë dhe më shkruajti: ‘Faleminderit sërish për fotografinë e bukur, ne do gjejmë një vend special për të.’ Falenderoj çdo person që ka shpërndarë fotografinë dhe për fjalët e mira.”
