Duket se emrat shqiptarë janë rikthyer sërish në modë. Të shumtë janë ata që i vendosin fëmijëve të tyre emra shqiptarë. E duket se kjo mani ka kapur tani edhe VIP-at tanë. I fundit që spikati me një emër shqiptar që i kishte vënë të birit ishte ish-ministri Tahiri, i cili e ka quajtur vogëlushin Golik, emrin e një mali në Tepelenë. Por Tahiri është vetëm njëri ndër ta. Më poshtë po ju listojmë disa nga personazhet e famshëm që kanë zgjedhur emra shqiptarë për fëmijët e tyre.
Edi Rama
Kur Edi Rama deklaroi se djalit i kishte vënë emrin Zaho të gjithë u çuditën në fillim. Deri kur morëm vesh se ai i kishte vënë emrin e një partizani. Edhe pse fillimisht dukej si një emër i çuditshëm, bëhet me dije se pas emrit të djalit të kryeministrit, rreth 200 emra të tjerë u vendosën Zaho në vendin tonë.
Erion Veliaj
Edhe kryebashkiaku zgjodhi një emër shumë të veçantë për djalin që erdhi në jetë në shtator të vitit të shkuar. Kajan quhet vogëlushi i Erion Veliajt dhe Ajola Xoxës. Vetë Veliaj u shpreh se për fëmijën e tyre donin një emër të veçantë, por mbi të gjitha shqiptarë.
Elita Rudi & Gjiko
Vetëm një muaj më parë moderatorja dhe reperi u bënë prindër për herë të parë. Vogëlushin e tyre ato e pagëzuan me emrin Zëri. Edhe pse një emër shqiptar, të shumtë ishin ata që e kritikuan për zgjedhjen që kishin bërë. Megjithatë çifti jo vetëm që nuk u shqetësuar, por edhe u shprehën se kishin kohë që e kishin marrë këtë vendim.
Alban Dudushi & Bieta Sulo
Dy prezantuesit nuk zgjodhën vetëm një emër shqiptarë për djalin e tyre, por dy emra shqiptarë brenda një emri. Vogëlushi i tyre quhet Kroi-Art. Natyrisht që një emër më domethënës se ky nuk mund të gjenin.
Jonida Maliqi
Para disa vitesh, kur Jonida tha se djali i saj do të quhej Dan, shumë u çuditën nga ky emër. Megjithatë ditët e sotme është përhapur më shumë. Një emër i vjetër shqiptar, që përditë e më shumë është rikthyer në modë.
Ledina Çelo
Edhe pse djali saj ka lindur në Gjermani, Ledina Çelo ka zgjehdur për vogëlushin e saj një emër shqiptar. Erlis quhet djali i çiftit të njohur që edhe pse nuk mban një pasaportë shqiptare, mban një emër kuptimplotë.
Jonida Shehu
Që para se ta lindte Jonida duket se e ka bekuar për bukurinë e saj vajzën. E ka quajtur Kristal dhe duhet thënë se realisht vogëlushja ka me të vërtet sy të kristalta, që duhet thënë janë të trashëguara nga mami saj.
Eni Jani & Genci Fuga
Aktorët Eni Jani dhe Genci Fuga, kanë zgjedhur dy emra shqiptarë tejet të veçantë për vajzat e tyre, Stina dhe Ajër. Në një intervistë, Eni zbuloi sesi vendosi për emrat. “Nuk e kërkoja emrin, thosha do më vijë natyrshëm… Në ato momente përsërisja Stina, Stina ndërkohë që më pas thashë “Ajri”.
Adelina Tahiri
Edhe pse e martuar me një shtetas maqedonas këngëtarja ka vendosur ta quaj djalin e saj Jon. Ashtu si edhe vetë bjondja seksi nga Kosova ka thënë, jo vetëm që i ka vënë një emër shqiptar, por i flet gjatë gjithë kohës edhe shqip.
Xhensila Myrtezaj & Bes Kallaku
Çifti i famshëm i showbizzit e zbuluan emrin e veçantë të vogëlushes së tyre pas ardhjes në jetë. Vajza e këngëtares dhe e humoristit quhet Ajka, ashtu si Besi ka thënë se është Ajka e jetës së tyre.