Ngrohja globale po eliminon grumbuj gjigandë të akullit nga Groenlanda me një shpejtësi aq të madhe, sa që shkrirja tashmë ka dhënë një kontribut të rëndësishëm në rritjen e nivelit të detit.
Në këtë përfundim ka arritur studimi më i fundit i botuar në “Proceedings of the National Academy of Science”, duke shtuar se si pasojë e ngrohjes globale, ishulli do të humbasë shumë më tepër, duke kërcënuar qytetet bregdetare anembanë botës.
Dyzet përqind nga 50 përqind e popullsisë së planetit janë në qytete që janë të ndjeshme ndaj rritjes së detit, dhe studimi i botuar këtë të hënë është një lajm i keq për vende si Nju Jork, Miami, Los Anxhelos, Tokio dhe Mumbai.
Studiuesit kanë rindërtuar balancën masive të sipërfaqes së akullit të Grenlandës duke krahasuar vlerësimet e sasisë së akullit që është shkarkuar në oqean me akumulimin e borës në basenet e kullimit në brendësi të vendit për 46 vitet e fundit.
Në përfundim ata zbuluan se shkalla e humbjes së akullit është rritur gjashtëfish që atëherë madje edhe më shpejt se sa mendonin shkencëtarët.
