Një foto e rrallë e Mbretit Zog me të motrën është publikuar ditën e sotme. Fotoja e cila është realizuar nga Marubi, daton në vitin e largët 1936. Së bashku me mbretin në foto shfaqet edhe e motra dhe të dy duken të rehatuar të ulur në tokë. Veçantia e kësaj fotoje është se ata janë fotografuar me rroba banjo. Natyrisht që për kohën, një fakt i tillë ishte tabu, sidomos për familjen mbretërore.
Por nëse e shihni me vëmendje, edhe një tabu tjetër është thyer në këtë shkrepje. Princesha mban në dorë edhe një cigare, fakt ky që për femrat në atë kohë nuk mirëpritej. E nën këmbët e tyre, shtrihet një tapet prej lëkure kafshe, mjaft e rrallë për kohën. Kujtojmë se këto nuk janë fotot e vetme që mbreti kishte me veshje plazhi. Shpesh herë e kemi parë në poza që për kohën e për postin që kishte, përbënin një revolucion.