Partizani u shpall matematikisht kampion për herë të parë pas 26 vitesh pritjeje, ndërsa tifozët e kuq vijojnë ende të jenë në delir për këtë sukses që e kishin pritur për më shumë se një çerekshekulli. Ultrasit e kuq po vijojnë organizimet që do të kulmojnë me festën e madhe të ngritjes së trofeut, teksa kanë bërë me dije edhe detajet për transfetën e radhës, ku të besuarit e Gegës do të jenë të impenjuar në Durrës ndaj Teutës vendëse.
“Ultras Guerrils” kërkon të rikthejë edhe njëherë transfertat e dikurshme në autokolonë, me tifozët e kuq që pushtonin kryeqytetin me alegrinë e tyre, ndonëse ekipi lëngonte në ligat e ulëta të futbollit. Ndaj, edhe nesër pritet një rikthim i festës “old style”, çka padyshim do ta bëjë edhe më të bukur këtë fundkampionati për të gjithë tifozët e Partizanit.
