Eros Grezda u largua nga grumbullimi për arsye personale dhe mediat skoceze zbuluan se u largua vetëm për të diskutuar të ardhmen e tij që duket se nuk është e destinuar të vazhdojë te Rejnxhërs.
Sulmuesi kuqezi nuk ka arritur të tregojë vlerat e tij me skocezët këtë sezon i privuar jo pak nga dëmtimet dhe kjo ka bërë që të mendohet largimi. Mediat skoceze raportojnë se Rejnxhërs është gati ta lejojë sulmuesin që të largohet vetëm nëse në klub mbërrin një ofertë e kënaqshme për të.
Sakaq, fjalët e mira për Grezdën nuk mungojnë duke e pranuar se ka talent, por duke parë atë që Grezda ka dhënë për Rejnxhërsin, është menduar largimi.
Sipas “Football Insider”, megjithëse Grezda e ka talentin, klubi është i gatshëm të dëgjojë ofertat për të duke qenë se në të tilla rast nuk është shumë me interes talenti, kur ende nuk ke dhënë asgjë për klubin.