Këshilltari i Presidentit Ilir Meta, Tedi Blushi deklaron se kreu i shtetit është zgjedhur nga një parlament legjitim, që nuk është ky i sotmi.
Përmes këshilltarit për mediat, Precidenca i quan “çunat e Shijakut” nismëtarët e mocionit kundër Metës, ndërsa shton se shqiptarët do t’u japin përgjigjine e duhur atyre që po kërkojnë të instalojnë “Narko-Republikën” e bandave dhe oligarkëve.
“Ilir Meta është zgjedhur President nga një Parlament plotësisht legjitim, jo nga ky i sotmi. Nga momenti që ai është betuar me dorën mbi Kushtetutë i përket vetëm Republikës.
Mocioni i “çunave të Shijakut” që kërkon të instalojë “Narko-Republikën” e bandave dhe oligarkëve do të marrë përgjigjen e merituar nga qytetarët e Republikës së Shqipërisë. Shqipëria e para! Shqipëria si gjithë Europa!”, ka shkruar Blushi në rrjetin soacial Facebook.
