Disa qytetarë kanë hequr materialet zgjedhore nga një qendër votimi në Tropojë. Pas kësaj ngjarjeje ka reaguar edhe kryeministri Sali Berisha.
Me një shënim në “Facebook”, Berisha përgëzon rezistencën e qytetarëve, ndërsa i cilëson ata si “kryengritës fitimtarë të Tropojës”.
“Përshëndetjet më të përzemerta kryengritësve fitimtarë të Tropojes! Ju lumtë! I dhanë përgjigje shkatërrimtare farsës së varrmihësit të pluralizmit Edvin Kristaq Mafia! Rama ik! Fitore! sb”-shkruan Berisha, ndërsa e shoqëron edhe me video përplasjen e ndodhur sot në qytetin e Tropojës.
Qytetarët kanë hequr materialet zgjedhore nga KZAZ nr.9 mëngjesin e kësaj të marte. Mësohet se pasi kanë thyer xhamat e dyert e ambientit, tropojanët kanë shkatërruar e hequr materialet zgjedhore.
Qytetarët tropojanë që refuzojnë tëvotojnë me 30 qershor, janë përplasur edhe me policinë në ambientet e kësaj qendre votimi.