Mbi bazën e kërkesës se Prokurorisë Shkodër, përfaqësuar nga Prokuror Federik Laloshi, Gjykata e Rrethit Gjyqësor Shkodër, me gjykatës Sokol Shehu, ka vendosur lejimin e ekstradimit me kusht të shtetasit të kërkuar për ekstradim ne Itali Ilir Bajri.
Kjo për shkak se ky shtetas ka të regjistruar procedimin penal Nr. 60/2018, të Prokuroria e Shkallës së Parë për Krime të Rënda.
Në këto kushte, shtetasi Ilir Bajri nuk do të ekstradohet në Itali, për aq kohë sa të jetë e nevojshme për procedimin penal dhe gjykimin në themel të çështjes. Pritet që koha precize te mund te përcaktohet nga Ministra e Drejtësisë.
Burimet bëjnë me dije se vete shtetasi Ilir Bajri dhe mbrojtësi i tij Avokat Arber Hoxha, kane kërkuar rrëzimin te kërkesës dhe do te bëjnë ankim pranë Gjykatës se Apelit Shkodër brenda afatit ligjor.