Presidenti i vendit Ilir Meta ka shpjeguar arsyet se përse ktheu për rishqyrtim ligjin e përmbarimit provat. Sipas kreut të shtetit ky ligj bie ndesh me legjislacionin e profesioneve të tjera.
Në një përmbledhje të arsyeve të kthimit të Ligjit, Presidenca konstaton se disa nene të tij, nuk janë në harmoni me legjislacionin aktual në fuqi; shkaqe këto të cilat mund të sjellin zbatim të gabuar në praktikë, apo keqinterpretim me pasojë cenimin e parimeve kushtetuese të sigurisë juridike, si dhe nismës dhe veprimtarisë së lirë ekonomike.
“Ky ligj nuk përcakton një mekanizëm të qartë ligjor për të evidentuar nevojën reale mbi përcaktimin e numrit të përgjithshëm të përmbaruesve gjyqësor privat, si dhe shtrirjen e këtij shërbimi në të gjithë territorin e vendit”, thuhet më tej në përmbledhjen sqaruese të Presidencës.
Bazuar në këto konstatime, Presidenti i Republikës, vlerëson se është momenti që këto dispozita të rishikohen edhe një herë nga Kuvendi me qëllim qartësimin e përmirësimin e tyre.
Ndërkohë në mbledhjen e sotme Komisioni i Ligjeve rrëzoi dekretin e Presidentit të Republikës që ktheu në Kuvend për riqyrtim ligjin për shërbimin përmbarimor gjyqësor privat.
