Një nga qëllimet kryesore në ditët e sotme është të reduktohen materialet plastike. Përdorimi i tepruar i plastikës ka rritur ndjeshëm nivelin e ndotjes në glob, duke e shndërruar këtë çështje në një nga problemet më të mëdha me të cilat përballet bota sot.
Mendohet se riciklimi do ta zgjidhë problemin, ndaj dhe përdorimi i plastikës vijon normalisht, por mesa duket nuk mjafton vetëm kaq.
Në vitin 2013 në Shtetet e Bashkuara të Amerikës u prodhuan 254 milionë ton plehra, ku vetëm 30 për qind e tyre u ricikluan. Kjo do të thotë që pjesa e mbetur u magazinua në depo dhe do të qendrojë aty për 1000 vitet e ardhshme duke ndotur tokën, për të përfunduar më pas në dete e oqeane ku vret mijëra gjallesa.
Në këto kushte një ide origjinale është zbatuar në supermarketet aziatike. Ushqimet paketohen me gjethe. Një praktikë krejt natyrale dhe që nuk është e kushtueshme.