Një zarf me plumb drejtuar Ministrit të Brendshëm, Matteo Salvini, u zbulua nga mekanizmi i Postës italiane të Sesto Fiorentino në muajin maj.
Në atë kohë, skuadrat e ndërhyrjes së shpejt shkuan në vendngjarje dhe zbuluan në zarf një plumb të kalibrit 9 mm dhe asnjë mesazh brenda tij.
Duke postuar një foto nga hetimet e Policisë së Shtetit, Salvini shkruan sot në Twitter se që kur ka marrë detyrën, më shumë se 100 kërcënime janë bërë ndaj tij.
“Më shumë se 100 kërcënime dhune dhe vdekje kundër meje që kur kam marrë postin e ministrit. Me sa duket fjalët e urrejtjes nga një e majtë e caktuar bindin disa mendje të sëmura, por me siguri nuk më frikësojnë dot. Përkundrazi, më japin më shumë forcë dhe dëshirë për të luftuar kriminelët e të gjitha llojeve”.
Në fakt, në Itali janë zhvilluar shpesh protesta kundër politikave të Salvinit, e madje qytetarë kanë shprehur haptazi zemërimin dhe indinjatën ndaj tyre.
Oltre 100 minacce di violenza e di morte contro di me da quando sono ministro. Evidentemente le parole di odio di certa sinistra convincono certe menti malate, ma sicuramente non mi fanno paura. Anzi, mi fanno ancora più forza e voglia di combattere criminali di ogni genere. pic.twitter.com/ljssAQO4eo
— Matteo Salvini (@matteosalvinimi) July 11, 2019