Pas kërkesës ankimore të Partisë Konservatore Albania, të drejtuar nga Eduart Ndocaj, Komisioni Qendror i Zgjedhjeve rinumëroi ditën e sotme kutitë e votimit në 11 qendra votimi në Bashkinë e Lezhës.
Në përfundim të rinumërimit që zgjati 2 orë, kreu i KQZ-së Klement Zguri tha se u vërejtën parregullsi, pasi rezulton të ketë më shumë vota në kuti se sa numri i zgjedhësve.
“Janë gjetur më shumë vota në kuti se numri i zgjedhësve që kanë marrë pjesë. Kjo është një shkelje e rëndë”,– u shpreh Zguri.
Ndërsa avokati i Aleancës Konservatore Albania tha se: “U vërejtën dy moskorrektësi, në një QV kandidati Eduard Ndocaj ka marrë një votë më shumë nga rezultati i deklaruar, në një rast tjetër 3 vota më shumë nga rezulatati i deklaruar.”
Bledar Skënderi, anëtar i KQZ iu përgjigj avokatit duke thënë se: “Nga shqyrtimi administrativ (rinumërimi) rezultoi se nuk ka asgjë të pavlefshme në këtë zone zgjedhore”
Ndërhyn Klement Zguri: “Vërej me dhimbje se subjektet zgjedhore e kanë kthyer në farsë të drejtën për ankimim”.
