Një gjykatës amerikan ka dënuar bosin meksikan të drogës Joaquín “El Chapo” Guzmán me burgim të përjetshëm plus 30 vjet.
Në shkurt Guzmán, 62 vjeç, u shpall fajtor për 10 akuza, duke përfshirë trafikimin e drogës dhe pastrimin e parave, nga një gjykatë federale në Nju Jork.
Ai u arratis në një burg meksikan përmes një tuneli në vitin 2016, por u arrestua më vonë. Ai u ekstradua në SHBA në vitin 2017.
Ai është ish-kreu i kartelit Sinaloa, që zyrtarët thonë se ishte furnizuesi më i madh i drogës në SHBA.
Gjatë gjykimit dëshmitarët thanë se kishte torturuar armiqtë e kartelit të tij.
Shfaq Komentet (0)
