Një ngarje e rëndë ka ndodhur ditën e sotme në Tiranë. Bëhet me dije se një person ka mbetur i plagosur me mjete prerëse. Ngjarja ka ndodhur pas një debati për motive të dobta. Raportohet se për ngjarjen është arrestuar autori i dyshuar, O.H 37 vjeç. Policia është në vendngjarje ku po heton për rrethanat e ngjarjes.
Njoftimi i policise
Tiranë
Plagos me mjet prerës një shtetas pas një konflikti për motive të dobëta, arrestohet në flagrancë nga Policia.
Shërbimet e Policisë të Komisariatit Nr. 4, arrestuan në flagrancë shtetasin:
– O. H., 37 vjeç, banues në Tiranë.
Në rrugën “Ali Baushi” pas një konflikti për motive të dobëta ky shtetas ka goditur me mjet prerës në trup shtetasin S. K., 37 vjeç i cili ndodhet në spital nën kujdesin mjekësor.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Plagosje e rëndë me dashje” në ngarkim të shtetasit O. H.
