Ish-ministri i Brendshëm është përgjigjur në deklaratën për shtyp edhe për zërat që qarkullojnë se ka përgjime të zyrtarëve të lartë. Sipas Tahirit, një gjë e tillë është fyese për të si dhe për personat e përfshirë.
Esiona Konomi: Opozita ju akuzoi se ju keni bërë presion?
Saimir Tahiri: Më pyesni mua që të vërtetoj akuzat e atyre. Është fyese që keni kohë e bëni, sikur unë kërcënokam njerëz me material. Unë në 4 vite kam bërë detyrën dhe s’hyj tek ata njerëz që mbajnë letër në xhep. Është fyese që mendoni mua se unë kam kërcënuar për të vërtetën time. Duket sikur ju mendoni se ata kanë bërë aq baltë sa të kërcënohen nga unë? E kanë bërë vërtetë kaq baltë? Kërkoni që t’i verifikojnë opozita. E dini mirë ju shantazhin që iu kanë bërë gjyqtarëve dhe prokurorëve. Kësaj rruge i shkoj veç me drejtësinë time.
