Kryesore

Përparim Kabo rrëfen kodin mafioz të politikanëve shqiptarë: Do të shohim llahtare

17:53 - 08.10.19 Gazeta Shqiptare

Ciklin e akuzave të ndërsjellta të politikanëve dhe mos dhënien e llogarisë për akuzat që u bëhen, profesor Përparim Kabo, në emisionin “Top Talk” në Top Channel, e ka konsideruar si ‘kod të mafies’.



 “Kjo sjellje është sipas kodit të mafies, duke paralajmëruar njëri tjetrin në distancë: nëse unë kam përfituar në një tender, ti ke përfituar në një tender tjetër. Prandaj hajde të bëjmë një pakt dhe të mos i prekim këto plagë. Deklarimi i pasurisë dhe ligji antimafia i ka nxjerrë zbuluar. Kur të ndodhë pastrimi në politikë ne do të shohim llahtare”, tha Kabo.

Konstatimit të gazetarit Denis Dyrnjaja se janë këta politikanë që kanë “çelësat e pastrimit”, Kabo iu përgjigj: “A besonit ju se do të binte dikatura komuniste kur vdiq Enver Hoxha? Por ja që komunizimi ra. E besonit ju që do binin firmat piramidale? Por ja që firmat piramidale ranë. E besonit ju se do arrestoheshin prokurorë dhe gjyqtarë? Ja që po arrestohen. Bota nuk mund të rrëzohet nga e keqja, mund të vonohet, por fundi dihet.”

Sipas profesorit, “kjo klasë politike ka prekur fundin dhe ka humbur besueshmërinë”.

“Aftësinë për të kryer detyra të rëndësishme siç është integrimi, nuk po e realizon dot. Përfitimi i tyre është varfërimi i popullit”, tha ai.

“Nuk do të presim gjatë”, shtoi Përparim Kabo.

Sa i përket procesit të rregullt zgjedhor të zhvilluar në Kosovë dhe problemeve që hasin zgjedhjet në Shqipëri, Kabo tha: “Pyetja shtrohet: ore shqiptarë janë ata, pse i organizuan zgjedhjet? E para, sistemi proporcional, asnjë votë nuk humbet. Numërimi i votave në kohë reale. Forcat politike të përgatitura për të pranuar rezultatin. Atëherë, pse nuk ndodhin këto në Shqipëri? Këto nuk ndodhin sepse zgjedhjet prej kohësh e kanë humbur besueshmërinë nga të dyja palët, edhe nga ata që zgjidhen edhe nga ata që zgjedhin.”

Kabo është i mendimit se fillimisht duhet të ndodhë pastrimi.

“Sistemi zgjedhor te ne është inkriminuar. Fillimisht duhet të goditet krimi për të bërë zgjedhje të lira e të ndershme”, tha profesori.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *