Aktualitet

Kryemadhi përplaset me Lubonjën: Siç ke ndërtuar ti pallate, kam ndërtuar dhe unë

22:04 - 15.10.19 Gazeta Shqiptare

Analisti Fatos Lubonja ka debatuar me kryetaren e LSI, Monika Kryemadhi, në emisionin “Real Story” të gazetarit Sokol Balla, në News24.Duke folur për shkollimin e fëmijëve të Kryemadhit në Londër, Lubonja tha se klasa politike me këtë logjikë ka ecur, që “t’i çojmë fëmijët jashtë dhe këta të rrinë këtu”. Kjo ka revoltuar Kryemadhin, e cila ka thënë se është e gabuar fakti që i fusim të gjithë në një kazan.



Pjesë nga debati:
Lubonja: Logjika që na çoi këtu ishte që “ne t’i çojmë fëmijët jashtë dhe këta të rrinë këtu”.
Kryemadhi: Fakti që i fusim të gjithë në një kazan, normal që njerëzit nuk dinë të dallojnë pastaj. Partitë politike kanë faj, edhe krerët e partive, edhe mediet, të gjithë kanë faj. Njerëzit duhet të dinë sa para janë shpenzuar nga ky vit, në këtë vit. Nuk ndjehem keq pse vajza ime shkollohet për matematikë në Londër, se kush do ma shkollonte këtu.


Lubonja: Po ç’lidhje ka kjo tani. Pse bën këtë lëmsh, po flasim për gjithë klasën politike.

Kryemadhi: Siç ke ndërtuar ti pallate te vila jote, kam ndërtuar edhe unë. Unë kam pas një mundësi, që ma kanë dhënë prindërit.

Lubonja: Atëherë mos u anko për Edi Ramën fare. Fol me Skënderin tani, se unë mbarova.
Kryemadhi: Makineria e propagandës është shumë e madhe, sa të mbyt. Unë nuk jam si Edi Rama, kam kontribuuar më shumë se ai, se kam qenë e sulmuar si bashkëshortja e Ilir Metës. Ndërsa Edi Rama ka kaq shumë vite në pushtet dhe askush nuk flet për koncesionet e tij.
Lubonja: Po pse tani u bënë ato, po kur ishe ti në pushtet.
Kryemadhi: Nga 2013-2015 qeverisja ka funksionuar në mënyrë perfekte.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *