Kohët e fundit modelja Kejvina Kthella ka qënë në qëndër të vëmëndjes së mediave për shkak të lidhjes së saj me Redjan Rrajën, duke u bërë kështu pjesë e hetimit të atentatit ndaj Prokurorit Arjan Ndoja. Gjithmonë aktive në rrjetet sociale, Kejvina poston video dhe foto nga jeta e saj e përditshme edhe pse i është sekuestruar telefoni dhe mbyllur llogaritë bankare. Mbrëmjen e djeshme në spektaklin ‘’Dance with me’’ gjatë performancës së saj ka publikuar një foto ku shfaqet seksi e veshur me stil kauboj dhe mban dy revole në duar, ku krahas fotos shkruan ‘’Hey Hey’’.
Mësohet se vajza e showbiz-it shqiptar ka depozituar një kërkesë penale me objekt “kthim të sendeve të sekuestruara”. Sipas informacioneve Kjevina Kthella kërkon kthimin e celularit të saj, makinës së sekuestraur dhe zhbllokimin e llogarive bankare. Kejvina Kthella u mor në pyetje për shkak të komunikimeve që kishte me Redjan Rrajën për shkak të miqësisë së tyre. Kërkesa e modeles pritet të shqyrtohet nga gjyqtarja Daniela Shirka në ditët në vijim.
