Kryetari Partisë Demokratike, Lulzim Basha reagoi pak minuta më parë për mbylljen e disa portaleve dhe faqeve në rrjetet sociale.
Përmes postimeve në rrjetin social “Twitter”, Basha akuzon qeverinë se po shfrytëzon fatkeqësinë e tërmetit për ta arritur këtë gjë.
Në një postimi në “Twitter”, Basha shkruan se të shfrytëzosh këtë fatkeqësi për të mbyllur portale, faqe fb e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale.
“Të shfrytëzosh këtë fatkeqësi për të mbyllur portale, faqe fb e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale. Kjo është mënyra për të mbytur zërin e qytetarëve dhe të vërtetës që vjen përmes medias dhe portaleve të ndryshme. Prokuroria duhet të nisë menjëherë hetimet për dhunimin e fjalës së lirë nga qeveria. Me Kushtetutë dhe ligj kjo përbën një krim të rëndë që duhet ndëshkuar”, shkruan Basha.
Basha i bën thirrje prokurorisë që të vihet menjëherë në lëvizje dhe të ndëshkohen ata që ndërmarrin përsipër nisma të tilla për të mbyllur mediat.
“Kjo është mënyra për të mbytur zërin e qytetarëve dhe të vërtetës që vjen përmes medias dhe portaleve të ndryshme. Prokuroria duhet të nisë menjëherë hetimet për dhunimin e fjalës së lirë nga qeveria. Me Kushtetutë dhe ligj kjo përbën një krim të rëndë që duhet ndëshkuar”, tha Lulzim Basha.