Këngëtarja e njohur Bebe Rexha ka mbërritur në Bubq ku do të ndërtojë dy shtëpi që mbetën të shkatrruara nga tërmeti i 26 nëntorit.
Rexha ishte e shoqëruar nga aktori i njohur Bes Kallaku, ky i fundit i dhuroi këngëtares një ´hajmali´ të vjetër nga zona e Krujës, duke e falenderuar për kontributin e saj në ndihmë të banorëve të prekur nga tërmeti.
“Kam një dhuratë për ty, kjo është hajmali. Siç erdhe ti këtu, që këta banorë mos të shikojnë keq me shtëpinë, ne po të japim një hajmali që ti mos pafsh kurrë keq në jetën tënde, dhe kjo hajmali sjell fat dhe është e zonës së Krujës dhe është mbi 150-200 vjeçare. Unë i koleksionoj dhe besoj që kjo ishte dhurata më e mirë për të dhënë, për mirëseardhjen tënde dhe kontributin tënd”, u shpreh aktori Bes Kallaku.
