Kuja,dhimbja dhe lotët kanë mbërthyer familjen Berçana dhe Ndoci në Shkodër. Borani dhe Silvi, përkatësisht 30-vjeç dhe 24 vjeç do të përcillen sot në banesën e fundit.
Familja Berçana ka hapur dyert e mortit për çiftin, i cili u ekzekutua mëngjesin e djeshëm brenda në makinën e tyre.
LEXO edhe: Autori ishte pa maskë, qëlloi me breshëri ndaj çiftit. Djali qëndroi 5 orë me trupat e prindërve
Mësohet se, trupat kanë ardhur nga morgu në shtëpinë e prindërve të djalit, Boranit. Ceremonia mortore do të zhvillohet sot në orën 11:00 dhe të dy viktimat do të varrosen së bashku.
Ekzekutimi i çiftit ka ndodhur në hyrjen e pallatit të tyre në orët e para të mëngjesit të së dielës.
Ende nuk dihen shkaqet e kësaj ngjarje të rëndë, ndërkohë që policia po punon për zbardhjen e shkaqeve të ngjarjes si dhe identifikimin dhe kapjen e autorëve.
Djali i çiftit, i cili ndodhej në makinë fatmirësisht nuk është prekur nga plumbat. Rrëqethës është fakti se ka qëndruar përmbi 5 orë në prehrërin e së ëmës që ishte mbuluar nga gjaku.
LEXO edhe: Vrasja e dyfishtë, mes të shoqëruarve dhe ish-burri i 25-vjeçares. Fëmija u gjet i tëri i gjakosur
Nëna vë kujën, i vëllai interesohet për nipin
Vrasja e ish-efektivit të policisë, Boran Bërcana dhe bashkëjetueses së tij ka tronditur familjarët e tyre. Nëna e 30-vjeçarit dhe vëllai i tij pasi kanë mësuar lajmin e kobshëm kanë mbërritur në vendin e ngjarjes rreth orës 07:30. Mësohet se e ëma e viktimës ka tentuar që të shkojë tek makina ku ndodhej trupi i pajetë i djalit, por nuk është lejuar nga forcat e policisë. Ajo u dëgjua duke thënë: “O Zot ku e kam djalin, më raftë pika mua”. Me lot në sy dhe e shokuar, nëna e ish-policit u largua nga aty.
Ndërsa, vëllai i Boran Bërcanës u interesua për djalin e vogël, nipin e tij 3-vjeçar që ka qenë brenda në makinë kur ka ndodhur vrasja e prindërve të tij. Efektivët i kanë treguar se ndodhet në spitalin rajonal të Shkodrës. Menjëherë, familjarët kanë shkuar në spital dhe kanë marrë të miturin që u shpëtoi mrekullisht 23 plumbave.